Открытие "Родительской библиотеки" («Ада-энелердиҥ библиотеказы» деп толуктыҥ ачылтазы )

Алтай Республика ичинде школго баргалак балдар таскадар муниципал  тöзöлмöлöрдö полилингвальный  ÿредÿ аайынча  ÿлекерде бистиҥ Шабалин jурттыҥ «Алтынсай» тöзöлмöзи 3-чи jыл иштеп jат.
     Бÿгÿн, кандык айдыҥ 19-чы кÿнинде, 11 саатта «Ада-энелердиҥ библиотеказы»  деп толуктыҥ ачылтазы  öтти. Туштажуга  ада-энелер ле  кÿндÿлÿ айылчылар кычырылган.   Олордыҥ ортозында Шабалин аймактыҥ ÿредÿ аайынча башкарузыныҥ jааны Алматова Тамара Николаевна,  Шабалин аймактыҥ спорт аайынча балдар таскадар тöзöлмöзиниҥ jааны Малчинов Айдар Александрович ле аймактыҥ эл газединиҥ баш редакторы Мария Михайловна Фалеева кычырылган.
Оогош болчомдор кычырган ÿлгерлериле, кожоҥдогон кожоҥыла, алтай калыктыҥ «Коркымчылу айылчы» деп чöрчöги аайынча jилбилÿ ойын-кöргÿзÿзиле айылчыларды сÿÿндирди.
    Бу кöдириҥилÿ ачылтага  айылчылар ла ада-энелер  уткуулду сыйларлу келдилер.  Сÿÿндирген сыйлар – jилбилÿ бичиктер, спорт аайынча эдимдер ле колдоҥ эткен эдимдер.   Тÿктеҥ эткен сÿрлÿ, jараш эдимдерди Егузеков Серенниҥ  jааназы Лидия Мечерткеновна Акчинова ла энези Венера Владимировна Егузекова сыйлады.
    Бу толуктаҥ ада-энелер балдарыла бичиктерди алып, кычырып, оогош болчомдорды чÿмдемелдерле jилбиркедер аргазы бар. Мындый толукла jеткилдеген учун Республика Алтайдыҥ ÿредÿлÿ ле билим Министерствозына, ÿредÿчилердиҥ билгирин бийиктедер институдына  jаан быйанысты айдадыс!

МБДОУ детский сад «Алтынсай» села Шебалино  в числе пилотных площадок по апробации и внедрению регионального проекта «Полилингвальная модель обучения алтайскому языку в муниципальных дошкольных образовательных организациях, расположенных на территории Республики Алтай» работает третий год.
  Сегодня, 19 апреля 2024 г. в 11 часов в здании детского сада «Алтынсай»  состоялось торжественное открытие уголка «Родительской библиотеки». На данное мероприятие были приглашены родители наших воспитанников, а также почётные гости нашего района - начальник Управления образования МО «Шебалинский район» Алматова Тамара Николаевна, Директор МБУ ДО «Шебалинская ДЮСШ» Малчинов Айдар Александрович и главный редактор Шебалинской районной газеты «Сельская Новь» Мария Михайловна Фалеева.
    Наши уважаемые  гости  поздравили  нас с этим значимым событием и  обрадовали нас неожиданными подарками. Заведующей  дошкольного учреждения  были  вручены интересные книги и спортивные атрибуты. Также бабушка  и мама нашего воспитанника Егузекова Серена – Лидия Мечерткеновна Акчинова и Венера Владимировна Егузекова преподнесли в подарок креативные изделия, сделанные своими руками. А наши воспитанники читали стихотворения, спели песню и показали игру – театрализацию алтайской народной сказки «Страшный гость».